الدم يِجبِدْ
البرّا من العروق
يِجمدْ
إلي بايْعُو مغروق
ماك باث غاير
شم ريحة الفطاير
في زنقتنا الاولى
قال نبيعك نبيع إِلّي فات واللي بينا صاير
ونسكن في نهج العروق
ندفن سناجق المخنوق
نْعَلَّق ذنب الحوت
نعري على صنادق إلي كلاهم لوط
و نفهم علاش
السلطة دمها
بقداش ؟
ما أحلاه القرنفل تحت الرُّوبه
يقنبل ؛
رصاصاتك يا هايم تقتل
وما تِروي
العروق
مْكبشة منَبشة مْخَبشة
في شون الخَرُّوب
لَمِّتنا محبة وحروب
كراسيكم وهف دا وسعدكم مكبوب
دفنوه وسط البير
تهمتو صمادح وشكسبير
عقار الدم كبير
يجبد من مجردة ، يصب عند الغير
الدم يجبد ، ويشيح ترابك
محبتنا عقابك
تشوينا في مقامك ، وبتنا تحت جناح الطير
تاريخ العقاقر
قال تغيير ،
سبقو الغير قال تنوير
واحنا صغار
واللعبة كبيرة
تضيع فيها المُوجيرة
والدم من المكايد
صبّار
يصير
خرفولك على أمنا الغولة
و ما حكاولكش عالرصاصة
فاجرة ، ما خلات فيك بلاصة
باش شراووك ؟
آش شربوك؟ قتلتش بوك ؟
شرّڨ تصاورهم من الحيوط
غرّق شعرك بالغناية
أَشُهرْ الحرف واللون
علّق ضحكات الغشاشر
مزال بكري عالكفن
صلي ، فن
وأُسكن في البخنُوڨْ
عمر طاير ، وزمان ساير
يجبد الدم ، يخلي أماير
ويبات
في نهج العروق ...
*في إطار العمل الفنّي : الدم يجبد
MacBeth Leila & Ben
Aucun commentaire:
Enregistrer un commentaire
3abbar, w YED'Hom !