فُكْ يِزّي عِف

 

 

الياسمين مغشِّشْ
و الدرابو محشِّشْ
إلّي جاي يفرفشْ
إلّي جاي يشبرشْ
البهامة تكرطشْ
و البرد فينا الكل يخبِّش
نحب نطمِّنْ قلبي، ما حبِّشْ


كل واحد يتفلسف
وكل واحد يهلوس
الخرم يوسوس
لا واحد منجِّم يتنفِّسْ
كول و رفِّس
إتعدّى و عفِّسْ
 أضرب ، كسِّر ، وزيد إتبهنِسْ
نحب نرَتّح مُخِّي، ما حبِّسْ

فُكْ يِزّي عِف
ما تضرب الحُرِّية بكفْ
فُكْ يِزّي عِف
خلِّي الدم يكِفْ
فُكْ يِزّي عِف
قوم لتونس شِد الصف
إتفكِّر النشيد، أقعر هاك الدُّف
إتفكِّر الشهيد، إتفكِّرإلِّي عُمرو ما ضعُف
إتفكِّر إلِّي عُمرُو ما سخِف
عالبيان كذِب و حلِفْ
فُكْ يِزّي عِف
لا يقولُو علينا دْغُف

يِزِّي يِزِّي يِزِّي
و فُكْ عِفْ
نحِب نطمِّن قلْبي
نكِمِّلْ بشرفْ

نحب نفرح بيك و بيَّا
آش هالقرف ؟
جيت نطمِّن في قلبي
 قلبي عْرِف

 

 

فُكْ يِزّي عِف