تكلمت سعاد
ذبحت عصافر الجنّة
ذنبهم الوقت إلي غدر
الصغر إلي تعدى مر
عرس بلا حنّة
حساباتك سعاد محسوبة
لعبة ضباع ولعبة ذيوبة
تبكي المكبوبة
تتخرخط في الدم
تبلع الغصة، تكوي بالهم
وغدوة نهارك إنت ندم
وشيرتك بالظلم مذهوبة
يا ويحك سعاد من قهرة محبوبة ...
يا ويحكم ملي تسب ونقم
عالحڨرة تفطم
من الضحكة تحرم
كبر ،
في غبينتو غبر
حتى سمعك تعاير
قالوا تكلمت سعاد
جاك يجري في خاطر محبوبة غاير
يطير الطير وتقعد إنت في الندم محبوسة
يا ويحك سعاد من طول الليل الساير
يا ويحك من الطير الحاير
تفرفط العصافر وتسافر
تمسح الدم وتهاجر
و ترجع بالكلمة المفكوكة .
يا ويحو إلي سب
إلي على عمرو تكب
و بلا سبب عاير
تجيه أيامات وتجيه أماير
و بعد ما يفوت الفوت يتفكر محبوبة ...
تكلمت سعاد
و تذبحت عصافر الجنّة
enti houwa el janna ya chut
RépondreSupprimerbaba Niz :)))
RépondreSupprimerlire un texte comme ça de bon matin ^...
RépondreSupprimerma7leh il insan illi fik.
RépondreSupprimeresta7fedh 3lih
énti l janna w klémék wa7éy mésmé. yna3mbou li méy7ébékch
RépondreSupprimermachkouriiiin :)
RépondreSupprimern7ebek ya Chute <3
RépondreSupprimerBravo chut
RépondreSupprimermerci mon ami :))
RépondreSupprimery3aychek Manel, mnawra lélla <3
RépondreSupprimerJe t'adore TOI...:)
RépondreSupprimerMère célibataire, je l'ai été à l'âge de 20 ans...
Je sais ce que c'est... Je te remercie pour cette revanche que tu prends pour moi et pour toutes les autres...
مسكينة محبوبة، حل ساقيك للي ما يسواش و قول مغلوبة
RépondreSupprimerو ارمي الحمل متاعك على سعاد المكبوبة
يا ولّا غلبة
عقاب عمري وليت ندافع على ال***ون و ال**بة
مسكين ولدكم ، في جرتكم تحرم من عيشة هنيّة
علاش عاميلنو العرس ماو باش نحفظو ها الذرية
زعمة تحب تعيش وحدك يا محبوبة؟ أغزرلي في عينيّ
غلطت ؟ ربي يتوب و يسامح أما ما تعاودش صنعتك هذية
و تقلي نحب حقوق، باش في يخلطو في جرتك ولاد الحرام و قيد على الحرية
محبوبة، كل إنسان يتحمل غلاطو، ما تعملش علي ...
صون روحك و انت يا ولد الناس ما تغرش بيها البنية
حرام عليك الي عملتو فيها، أما خسارة، مازلنا مجتمعات ذكورية
حطها في عينيك و ولدك خلي يعيش راسو مرفوع كالبشرية
BRAVO
RépondreSupprimerاقدم لكم أجمل التهاني والتبريكات بمناسبة ذكرى رأس السنة الهجرية الجديدة فعــام مــــبارك ســـــعيد ، علينا وعليكم شـهيد ، وكل عام وأنتم ونحن بألف ألف خير ،
RépondreSupprimer